2. BOITSIBISO
Lebitso la ka ke Thandi Mdladlamba, ke moithuti oa
selemo sa boraro sekolong sa koetliso ea litichere
(Lesotho College of Education). Ke tlo bua ka litlhare
tsa Sesotho.
3. SELELEKELA
Ho Basotho, litlama tsa sesotho li nka karolo ea bohlokoa e kholo bophelong ba bona ekaba ho batho, ba
nang le monyetla le ba se nang monyetla oa ho fumana meriana ea sekhooa. Ke tlo tsepamisa maikutlo
holim’a meriana kapa litlama tse sebelisoang ke Basotho hangata ‘me tsona li tla latela.
4. LENGANA
Ke setlama se sebelisoang ho phekola ho hohlola le ho thibolla linko . Setlama
sena se ka kenngoa ka nkong ha makhasi a ntse a le matala.
Hape setlama sena se ka phehoa e be metsi ao a sona a phokoa ho phekola
boloetse ba sefuba ‘me le ka sebelisoa le omme kapa le letala.
5. QOBO
Ke setlama se sebelisoang ho K’hapa ha motho a tsoeroe ke
sefuba.
Hape se ka momonoa kapa sa hlafunoa ho phekola sefuba.
Ho feta moo, motho a ka sebelisa setlama sena ha a batla lira
li mo sokole.
6. KOENA
Koena e ka phehoa e be motho oa e noa e le ho phekola sefuba.
Hape e ka kenngoa ka nkong ho bula nko e thibaneng.
Ho feta moo e ka kenngoa ka lieteng e le ho thusa motho ea
nang le bothata ba maoto.
7. LEKHALA LA BAFU
Ke setlama se sebelisoang mekhohlaneng ho hlatsoa sesila.
Hape le ka boela la sebelisoa ho hlatsoa letlalo le ho tlosa litlapeli le leshoata.
Lekhala la bafu le ka boela la nooa ho hloekisa ka mpeng.
Hape Basotho ba le sebelisa ho hlatsoa motho ea tsoang toronkong e le ho
tlosa sesila sa toronko.
8. POHO TS’EHLA
Moriana ona oa siloa e be motho oa o tsuba ka nko, a thimole
e le ho folisa hlooho.
Hape o ka fuoa le lintja tse hanang ho ja hore li be pelo e ts’oeu.
9. HLOENYA
Hloenya e ka tuloa, ea riteloa, ea phehoa, ea momonoa kapa ea
hlafunoa e le ho phekola nyooko kapa ho folisa bohloko ka
mpeng.
Hape e ka tsoakoa le mohalakane e le ho hloekisa ka mpeng.
Ebile e etsa motho ea pelo e tshoeu.
10. SELOMI
Setlama sena sea phehoa e be sea nooa, ‘me se sebelisoa haholo ke basali le
baroetsana ho kokobetsa bohloko bo bang teng nakong eo ba ile linakong tsa
bona tsa sesali.
Hape se hloekisa popelo ebile se thusa basali ba hlokang pelehi ho ba le bana.
11. PHETHOLA
Setlama sena se thusa ngoana ho phethoha kantle ho mathata a letho ka popelong.
Basotho ke batho ba hlokolosi haholo mabapi le likhoeli tsa kemaro ea mosali ‘me
ha nako ea pelehi e atametse, mosali ea immeng oa e fuoa.
12. ‘MUSA- PELO
Setlama sena se chekoa methapo ea sona ‘me methapo ea sona e belisoa ka
metsing e be motho ea nang le bothata ba pelo oa noa hape leha se sa phehoa
motho a ka hlafuna methapo ea sona .
Setlama sena se bula methapo ea pelo hore mali a phalle hantle.
13. HLOKOANA – LA -TSELA
Setlama sena se ka phehoa e be motho oa se noa ha a jele chefo hore a hlatse
chefo eo.
14. QETELLO KAPA KAKARETSO
Meriana ena e bohlokoa haholo ho Basotho ka kakaretso. Kahona ke rata ho khothaletsa
Basotho ho Kenya letsoho ele ho baballa kapa hona ho ts’abana le lihloliloeng tsena, ele
hore moloko o tlang o tle o fumane pheko ntle le ho reka lihlahisoa tsa melichaba.
15. MEHLOLI
Moteetee, A. and Van Wyk., B.E.2011. The medical enthnobotany of Lesotho:
a review. Bothalia 4 (1): 209-228.
Motlamelle, M. P. 1995. Ngaka ea Mosotho.Morija: Morija Sesutho Book Depot.
Mojapelo, M.L. 2009. Morphology and semantics of proper Names in Northern
Sotho. South African journal of languages 29 (2) : 185-194.
Tulu – research 2009. http://www.tulu-research.blogspot. Com
/2009/01/166Tulu-onomastics The pan American Health Organisation(PAHO)
1999.