Los alcaldes son figures pa la hestoria d'un conceyu y güei en Siero fixeron exerciciu de memoria. Foi na presentación d'un trabayu d'investigación de Fructuoso García, que na seronda va ver la lluz en forma de llibru y qu'afonda na vida de los sos mandatarios dende 1895 a 2015.
Nes sos páxines nun hai namás biografíes y esperiencies de rexidores, sinón tamién la importancia del so trabayu pa los vecinos dende empiezos del sieglu XX.
Llabores que non siempres fueron fáciles, por exemplu, redactar el primer plan d'urbanismu del conceyu. Un heriedu que recoyeron los sos socesores qu'aseguren que'l municipalismu ye un arguyu.
Los que nel so día gobernaron Siero encamienten probar la esperiencia pa deprender cómo funcionen les coses.
© 2024 Radiotelevisión del Principado de Asturias | Todos los derechos reservados
Publicidad | Aviso Legal | Política de privacidad | Política de cookies | Consentimiento de cookies | RSS | Sobre RTPA | Entidad adherida a AUTOCONTROL