Na e momentonan aki Warda di Shaba ambulance y polisnan a bay atende un caso serio, na yegada ambulance no por a haci nada mas pa e persona. Ta trata aki di e cantante y compositor Antoni Gario sospechoso deteni pa abusa di su yiu, a pone fin na su bida den su cel unda e tabata cera.
A interoga e artista basta largo riba diabierna y diasabra unda cu a confront’e cu tur loke cu autoridadnan a acumula te cu awo den e denuncia haci contra dje pa abuso sexual di su yiu muhe.
Tal trata di un investigacion cu a bin ta tuma luga for di 2019 y awo a yega na suficiente material cu por a pasa pa su detención diabierna ultimo. E lo a abusa sexualmente di e yiu muhe, kende tal esun cu a haci e denuncia.
Riba Dia di Tata e artista a dicidi di pone un fin na su vida den cel na warda di Shaba y a wordo descubri un poco prome cu 12’or di merdia. Gario ta conoci principalmente pa su composicionnan di carnaval y a lanta e banda y grupo di carnaval Le Groove. Su color tabata roos y esaki por a mira hasta den e auto cu e tabatin.
Na su famia tal bay palabra di condolencia.
