27. UVIÉU
Estranueitan á man d´a catedral, á lo canto d´a guana morfuga de l´arronzadera carrera Gascona, do zenarán y garimboliarán una miallica.
M. Pérez consigo mismo. –M. Pérez ta l´autro costau de l´espiello.
1-7-2015. Uviéu (de ro preinduropeyo ALB, AUB, ALBETUM, ALVIETUM: “blango, augua; puasto agundoso en arrigallos”. Autro parixer enfila ta ro latín meyebal URBS VETUS: “zidá biella”) ye ra segunda zidá de ra comunidá autonoma y siede d´o Prenzipau d´Asturies. Uviéu ha 223.765 abitadors y ye á 232 mts. d´altaria en o trampo zentral de ro Nalón. A zidá ye protexita de ros biandos d´o norde por o mon Naranco y ta lo sur por a siarra d´Aramo. Lo clima ye ozianico con estius tobos e ibiernos fresquez y umedencos.
Vista de Oviedo. –Ambiesta d´Uviéu.
En as coronicas meyebals d´o Raino d´Asturies l´anomenan Ovetao y Oveto.
Uviéu ha lo “mote” de Vetusta y Pilares, y á ros ubietans lis izen “Carbayones” y á begatas tamián “Virusos”.
Son conoxitos istos ditos: “En Oviéu, tambor y gaita”.
“¿Muyeres?:
En Oviéu mete mieu
en Xixón toes son
en Avilés, en ca casa tres
en Candás unes menos y otres más”.
“Pella Ascensión, cereces n’Uviéu y cebada en León”.
“Uomo asturiano, vino puro, e lancia nella mano”.
“Asturias es España y lo demás, tierra conquistada”.
Vista parcial de Oviedo (1). –Parzán d´Uviéu.
As fiastas grans en a onor á San Mateu, lo 21 de setiambre, se i zilebran durán 10 diyas con escaizimiens esportibos, culturals y relichiosos. Mientres ixos diyas, lo 17, se i zilebra lo “Día de América en Asturias”, fiasta de “Interés Turístico Nacional”, que rende omenax á ras tiarras que han acullito á ros emigrans asturians con una raxosa cabalgata.
Vista parcial de Oviedo (2). –Parzán d´Uviéu.
O primer mardis dimpués d´a Pentecosta se i zilebra “La Balesquida” u “Martes de Campo”, os zidadans se´n achuntan en os parques ta i tastar o “bollu preñau” con sidra (día del Bollu).
Autra fiasta gastronomica ye “el Desarme” que se i zilebra lo 19 d´otubre en casas y ristaurans con o menú de garbanches con abadexo y espinais, callos á l´asturiana y roz con leit.
Fachada de un edificio bonito y antiguo con la torre de la catedral. –Frontera d´un poliu biello casal con a tor d´a catedral.
De ro libro de poyesías “Cantar y más cantar: Impresiones de Asturias: poesía bable” de ro poyeta d´ Uviéu – lo más importán d´Asturies d´o sieglo XIX -, Xuan María Acebal:
“…Y mirando pa ‘ntrambos ‘ta ‘illí Uvieo
Nel que punxo quiciabes Don Fruela
So gobiernu non más, pos ya Santiago
‘N elli el primer discípulo escoyera,
Según que nel Pilar de Zaragoza
Un vieyu pergamín hay que lo reza.
Y á miós piés ‘ta el Monsagru con so ermita
Que nos siglos sirvió d’escondidiella
A les Santes Reliquies que en Uvieo
Todu ‘l mundu cristianu reverencia…”
¿Qué tiene esta sidra?. –Pos ixo.
L´orichen decumentau d´Uviéu ye de ro 761, cuan os monches beneditins
Máximo y Fromestano deziden de creyar una espleitazión agricola y quillón o monesterio de San Vicente en a costera d´o tozal Ovetao (Ovetum, en latín).
O rai Fruela I empentó ra costruzión d´un palaz y ra basilica d´o Salbador, y aquí naxió lo suyo fillo Alfonso II el Casto.
Dende lo 791 dica lo 842 o rai dezidió de tresladar la Cort d´o Raino de Cangues d´Onís ta Uviéu. Por aquelas engüeltas estió creyata tamián la biya de pelegrinax conoxita como Camín de San Chaime, con a que Uviéu bebirá un fortal pogreso, y ro temple de San Salvador esdebiendrá puasto fitero ta ra besita d´os pelegrins. Ya lo diz una antiga mazada:
“Quien va a Santiago y no a San Salvador, honra al siervo y descuida al Señor”.
En 914 Ordoño II treslada la cort d´Uviéu ta Leyón.
Lo 1090 Alfonso VI l´atorgó fuers suyizos y estió afaborita por a monarquía durán la Baxa Edá Meya.
O rai Juan I, lo 1388, fundó lo Prenzipato d´Asturies, tetulo qu´enzetó lo suyo fillo Enrique. Uviéu esdebiendrá capetal d´o prenzipato.
Dende ro sieglo XIII dica lo XVI, a zidá meyebal se´n desembolicó en toda ra suya luzentor. En o sieglo XIV escomenzipión a costruzión d´a catedral, a muralla y l´acueduto de Los Pilares, que s´emplegará ta furnir d´augua en o s. XVI á ros abitadors d´Uviéu.
Á metá d´o s. XV aparix la “Junta General del Principado”, estituzión de dreito publico que i funzionará dica lo 1834, cuan s´estatuezen as Deputazions Probinzials.
En o s. XVII yestió muito importán a creyazión d´a Unibersidá.
La «Torre Vieja» de la catedral de Oviedo. — A Tor Biella de ra catedral d´Uviéu.
Lo primer que i beyerán ye ra Catedral de San Salvador. Ista Basilica ye d´estilo gotico flamiyero, feita entre ros sieglos XIV y XVI. Lo que más en soprixe ye ra silueta d´a romanica tor-campanal (más de 70 mts.de altaria). En a torre ye ra sonata campana de 1218, conoxita con o nome de Wamba.
Una de las puertas de la catedral. — Una de ras puartas de ra catedral.
Catedral de Oviedo. — Catedral d´Uviéu.
Lateral de la catedral de Oviedo. — Costau de ra catedral d´Uviéu.
Otra fachada de la catedral. — Unautra frontera de ra catedral.
Vista de la torre y catedral de Oviedo. — Ambiesta de ra tor y ra catedral.
O poyeta y estoriador asturián Constantino Cabal esprisa en istos bersos lo que significa la tor ta ros ubietans:
“Mio torre: torrina de aguyes de piedra / qu’esguilen pel cielo lo mesmo que hiedra / coyendoy a mantes cachinos de tul…/ Mio torre: torrina de piedra que aruma, / con niervos en rizo lo mismo que espluma, / que axúntanse en ñudu d’encaxe sotil…”
Torre de la catedral de Oviedo. — Tor de ra catedral d´Uviéu.
Columnas en una fachada de la catedral. — Colunnas en una frontera de ra catedral.
Esquina de la torre de la catedral. — Cantonada de ra tor de ra catedral.
M. Martín y M. Pérez delante de la catedral de Oviedo. — Debán de ra catedral d´Uviéu.
Ta la catedral se i dentra por a puarta que ba ta lo “Tránsito de Santa Bárbara”, do trobarán en primeras la “Torre Vieja”, de ro s. XI.
Otra torre junto a la torre de la catedral de Oviedo. –Unautra tor chunto la tor de ra catedral d´Uviéu.
La «Torre Vieja» de la catedral de Oviedo. — A Tor Biella de ra catedral d´Uviéu.
L´alfaya de ro temple, prerromanica, ye “la Cámara Santa”, una d´as primers costruzions d´Alfonso II y que puéstar que fese parti de ro disparixito palaz reyal. Ye costimesa por 2 sulers, o chusano en orichen sereba la crita de Santa Liocadia y lo susano ye a mesma Camara Santa, tamién conoxita como capiella de San Miguel, refeita en o s. XII. Astí son alzatos os tresoros d´a catedral, relicas, alfayas plegatas en Asturies dende Toledo por tal d´a furicada mozleme; as dos piazas más importans son “la Cruz de los Ángeles”, de ro s. IX, y “la Cruz de la Victoria” d´estilo franco-carolinchio.
Interior de la catedral de Oviedo (1). –Aintros de ra catedral.
Interior de la catedral de Oviedo (2). –Aintros de ra catedral.
Son remarcables tamién o claustro, ra sala capetular y lo retaulo prenzipiato lo 1511, un de ros millors d´España, en o que i triballón artistas como Berruguete y Giralte de Bruselas.
Precioso retablo mayor de la catedral. — Repoliu retaulo mayor de ra catedral.
Primer plano del retablo mayor de la catedral. — Primer plan d´o retaulo de ra catedral.
En a capiella d´o “Rey Casto” b´ha elementos goticos y barrocos y sepulcres de rais asturs. “El apostolado” ye autra piaza importán, con 12 feguras ripresientaderas de ros apostols. Tamién aculle ra catedral l´archibo con o “Libro de los Testamentos”, codizes y manescritos.
Escultura de un apóstol. — Escoltura d´un apóstol.
La Virgen de Covadonga en la catedral de Oviedo. — A birchen de Cuabadonga en a catedral d´Uviéu.
El apostól Santiago. — L’apostol San Chacobo.
Seguntes Elviro Martinez en o suyo libro “Tradiciones asturianas”:
Portada del libro. — Portalada de ro libro.
“La iglesia de Aragón tenía por costumbre celebrar tres misas en el día de los Difuntos, al igual que en Navidad. En 1748, Benedicto XIV la confirmó, extendiéndola como privilegio a todos los sacerdotes de España. La diócesis de Oviedo se acogió al privilegio, fijando su propia normativa.
En la Catedral de Oviedo la festividad se celebraba dentro de una minuciosa ceremonia. La víspera, concluido el oficio de Completas, se procedía a la ronda de los responsos, que partía de la capilla del Rey Casto, como panteón real, tras el primer responso, ordenaba la rúbrica: “dize el Preste Pater noster, y echa agua bendida, y incienfa tan folamente las fepulturas de los Reyes, que están cubiertas con vn dosel de terciopelo negro con dos candeleros de plata grandes con sus velas encendidas…”
Seguía luego la procesión por la Catedral y claustro, para concluir en el décimo responso a las gradas del altar mayor.”
Dimpués de besitar a Catedral, gambadían por a bielliza zidá, por a redolada de ro Bico Biello.
Edefizios rufos, escolturas orichinals, casas coloritas como la suyiza casa sidrería “Ramón” pintata d´azul, os incantes plens de bita en a plaza retangular de Fontán, bel qu´autro palaz y ra ilesia de San Isidoro el Real, fundata por os chesuitas en o sieglo XVI. Una cursa plazentera.
Elegante edificio. — Pincho edefizio.
Escultura en la calle (1). — Escoltura en a carrera.
La casa sidrería Miguel. – Casal-sidrería Miguel.
La iglesia de San Isidoro el Real. — Ilesia de San Isidoro el Real.
Plaza de Fontán (1).
Plaza de Fontán (2).
En el rastro. En os incantes.
Los Michelangelos en la plaza de Fontán de Oviedo. — Os Tocayos Migalánchel en a plaza Fontán d´Uviéu.
Palacio de Velarde de Oviedo. — Palaz Velarde d´Uviéu.
Mercan bel par de libros -dizionario y mazadas asturianas- enfruén d´a catedral.
Continan por autra partida: entre as carreras Foncalada y Gascona bi ye ra fuen de Foncalada –declarata Patrimonio d´a Umanidá-, ye ra unica obra zebil conserbata de l´arte prerromanico de ro rieglo IX, feita en tiampos d´o rai Alfonso III el Magno. Por aquelas engualtas yera situgada difuera d´as murallas de ra zidá.
Escultura en la calle (2). — Escoltura en a carrera.
Un tonelico en la calle. — Un barralico en a carrera.
La fuente de Foncalada. — A fuan Foncalada
Á lo luen -en o cabaxo de ra zidá- eslufranían a ilesia prerromanica de San Julián de los Prados, tamién dita “Santullano”, de ros mesmos tiampos que ra Foncalada.
Iglesia de San Julián de los Prados. — Ilesia de San Julián de los Prados.
Adedicata á ros santos San Chulián y Santa Basilisa, ye ra más gran d´as ilesias prerromanicas d´España. Se conox que ros aintros, decoratos con penturas á lo fresco, se i mantienen en soprixiens condizions, y diz que ye, prebablemén, lo temple con o más antigo culto sininterruto d´España.
L´Uviéu de zaguers d´o sieglo XIX ye estau arritratau ta ra estoria en a sindandaliable millor nobela española d´allora: La Regenta de Leopoldo Alas “Clarín”. Curiosamén, estió nombrato cadieratico de Dreito en Zirigoza, anque se´n tornó ta Uviéu dimpuesas, ta i acupar una “cadiera”.
No lis ne baga de continar besitando lo zentro d´Uviéu (autras ilesias, plazas, museyos, parques….), sisquiá podesen torná-ie de nuabas !!.
De ra par oriental en marchan ta ras partidas norozidentals d´Uviéu, á besitar as ilesias prerromanicas de Santa María del Naranco y San Miguel de Lillo.
En bels poquez kms. de carretera plegan ta lo mon Naranco, un de ros millors aguaitaders d´a zidá. En a suya puyata i son plandificatas as dos alfayas d´o ramirense asturián.
Santa María del Naranco, u Palaz de Ramiro I, a 4 kms. d´Uviéu, estió en primeras calitrau como palaz-discansader d´a reyaleza astur; d´él en remanen bels repuis d´o sulero susano, do yera la salagüena d´acullitas, un baño y os miralgüens.
Iglesia de Santa María del Naranco (1). — Ilesia de Santa María del Naranco
M. Martín en la Iglesia de Santa María del Naranco. — M. Martín en a Ilesia de Santa María del Naranco
M. Pérez en la Iglesia de Santa María del Naranco. — M. Pérez en a Ilesia de Santa María del Naranco
En o sieglo XII esdebinió ilesia.
M. Pérez en la Iglesia de Santa María del Naranco (2). — M. Pérez en a Ilesia de Santa María del Naranco
M. Martín en la Iglesia de Santa María del Naranco (2). — M. Martín en a Ilesia de Santa María del Naranco
Ye un edefizio retangular de dos sulers, con trestallos parellanos: un cuarpo zendral y dos laterals asabelo chicoz.
Ilesia de Santa María del Naranco (2). –Ilesia de Santa María del Naranco
M. Martín en la Iglesia de Santa María del Naranco (3). — M. Martín en a Ilesia de Santa María del Naranco
M. Pérez en la Iglesia de Santa María del Naranco (3). — M. Pérez en a Ilesia de Santa María del Naranco
O sulero susano ye de gran altaria, con dos miralgüens en arcada de gualta.
Ilesia de Santa María del Naranco (3). — Ilesia de Santa María del Naranco
Ixas arcadas son lo más suyizo de l´estilo asturián ramirense (á la onor de Ramiro I). Lur decorazión ye á pur de chapistels bizantins, medallons y randas entretallatas en piatra.
Ilesia de Santa María del Naranco y Oviedo. — Ilesia de Santa María del Naranco y Uviéu.
Santa María ye l´unico edefizio zebil prerromanico mantenito cuasi entegro.
Ilesia de Santa María del Naranco y Oviedo (2). — Ilesia de Santa María del Naranco y Uviéu.
San Miguel de Lillo ye bels 200 mts. más entalto.
Iglesia de San Miguel de Lillo (1). Ilesia de San Miguel de Lillo.
De tod lo conchunto eglesiastico nomás se´ndi mantien un tierz de l´emplandille orichinal d´o temple, a loncha y o primer trampo d´as naus; parix que yera la ilesia d´o palaz reyal, arranata cuasi de raso en o s. XIII de risultas d´un eschorripatizo.
M. Martín en la Iglesia de San Miguel de Lillo. M. Martín en a Ilesia de San Miguel de Lillo.
M. Pérez en la Iglesia de San Miguel de Lillo. M. Pérez en a Ilesia de San Miguel de Lillo.
Lo más chocán ye a grandaria y as trazas espingorotiadas.
Iglesia de San Miguel de Lillo (2). Ilesia de San Miguel de Lillo.
L´arquiteito fazió la nau zendral con o triple d´altaria que d´ancharia, ta que i parixés más molimental. As naus son deseparatas por colunnas y lur decorazión ye bian intresán, con relieus en as brangas de ras puardas que i ripresientan eszenas retrayidas á ras d´estilos bizantins. En a biografía d´Alfonso VI de Leyón, de ro sieglo XII (silense), se i diz: “ser voz común entre cuantos la visitaban, no haber visto cosa igual en hermosura”.
Iglesia de San Miguel de Lillo (3). Ilesia de San Miguel de Lillo.
Impresionans as dos ilesias, qu´estión declaratas Patrimonio d´a Umanidá en 1985.
Iglesia de San Miguel de Lillo (4). Ilesia de San Miguel de Lillo.
Chintan de muito güen implaz ensalata y tortialla de trunfas en o restaurán “El Mirador”, con un diya rezulián y pistonutas ambiastas enta par d´Uviéu.
M. Martín preparándose para comer. — M. Martín relaminando-se-ne.
Vista de Oviedo desde el restaurante. — Ambiesta d´Uviéu dende lo restaurán.
M. Pérez y M. Martín enfrente. Reflexatos.
D´astí se´n ban ta l´aldeya de El Rubial (á 35 kms.). Dende Uviéu por l´A-63, dimpués l´AS-15 y en Bárcena un esbarre de 1,5 kms.
