Dialuna mainta parlamento a trata e ley di Tourism Product Enhancement Fund, unda cu Minister di Salubridad y Turismo, Dangui Oduber, tabata presente. Despues cu e parlamentarionan a haci pregunta y despues cu mandatario a duna contesta a bay over na voto. A aproba ley di TPEF cu voto di diesun voor y cuater contra, di cual seis parlamentario no tabata presente. Parlamentario di MEP ta haya cu mester keda aloca placa pa proyecto haya yudansa.
Setty Christiaans-Yarzagaray, parlamentario di MEP, a indica cu e parti cu e kier a trece dilanti cu TPEF ta, cu semper e ta su pasion, ta cu e placanan cu mester ta aloca n’e proyectonan manera Fundashon Stimami Steralisami, combatimento di cacho y pushi riba caya, hopi biaha tin di bisa cu mester hopi sosten den esaki. Pero door di TPEF cu ta ratifica e gastonan y obligacion cu tabatin. No a fiansa proyecto, inversion, etc.
No a saca placa practicamente riba nada otro cu ta pagamento di persona pa nan trabou, pero dialuna e parlamentario a purba enfatisa un poco pa asina mes purba aloca e placanan aki. A pesar cu ta placa di 2020 y 2021, pero e ta sigura cu 2022 y 2023 ta na caminda, pa keda pone enfasis, pa keda financia proyecto manera Stimami Steralisami. Pasobra despues di pandemia, personalmente e sa di esaki, segun e parlamentario, e ta haci esey boluntariamente di curason. E bestianan riba caya ta un problema cu a bin ta crece den e ultimo tempo, sigur despues di pandemia.
Durante transcurso di dia por a scucha nan betoog. Segun Christiaans-Yarzagaray, e lo enfatisa tambe p’e minister pa keda aloca placa p’e proyectonan aki.
