Nos kier a trece u par di punto dilanti cu nos ta kere cu e pueblo di Aruba tin derecho di opina ariba esaki. Echo ta cu tin un debate andando den e medionan di comunicacion ariba e tema di matrimonio di mesun sexo entre un grupo di pastoor y un grupo di LGBT+ cu tin como miembro parlamentario, hues, politico, empresario, amistad local y internacional.
Loke ta yama hopi nos atencion ta cu a tarda pa atende cu e problematica aki, ya cu pa basta aña nos a trata di informa e pueblo di Dios y e pueblo di Aruba henter ariba e tema delicado aki. Te asina leu cu ora Evelyn Wever-Croes a saca e amienda 7 for di bari di sushi, un grupo di evangelico, un grupo carismatico y un grupo di pastoor cu nan carnenan a subi caya y a protesta. Esaki a duna como consecuencia cu e amienda 7 a wordo poni bek den e bari. Evelyn Wever-Croes na su turno mes a sali pidi disculpa na su hendenan y bisando mientras e ta na poder, e ley aki no lo pasa. Wel wel, awe nos por wak cu su mes un partido a trata e ley di amienda 7 (geregistreerd partnerschap/ bou capa di matrimonio di mesun sexo) den parlamento y cu el a pasa cu mayoria den voto. Asina a habri porta pa loke ta pasando awe.
Si e tempo ey un parlamentario di partido geel so a bay gobernador y distancia su mes for di e partido geel, e ley aki nunca a pasa. E pregunta cardinal ta, unda e grupo di pastoornan aki cu a sali den prensa den e ultimo simannan atras tabata, cu nan no a subi caya e tempo ey? Dios a permiti un barco cu 5000 gay abordo baha na Aruba y haci nan fechorianan, pa asina logra saca e grupo di pastoornan aki for di nan zona confortabel y subi caya. Loke ta di admira. Lo ta bon tambe pa e grupo di pastoornan aki haci uzo di nan derecho constitucional pa keha e grupo aki na Openbare Ministerie pa nan actonan condenabel cu nan a trece den e medionan di comunicacion esta: discriminacion, insulto den publicidad contra miembro di un of mas iglesia local yamando nan secta, taliban. Tambe ta tin valse beschuldiging den publicidad over di belasting ontduiking, opruiing (lanta grupo di hende pa haci acto condenabel na e grupo, y tambe trece odio ariba e pastoornan aki). Dje manera aki e grupo LGBTQ+ lo pensa dos biaha prome cu nan sali den media y trece nan insultonan baho dilanti of haci cualkier otro delito cu ta castigabel den un pais cu estado di derecho.
Nos di Partido Curpa no ta kere cu e grupo religioso aki mester sinta y debate cu e grupo aki ariba un tema cu ta done deal. Loke tin di haci ta laga esunnan yama pa atende cu e asunto aki politicamente y sostene nan den oracion, formacion y naturalmente den voto. Y pidi Dios sabiduria pa atende cu e problema aki. Tin asina hopi problema ariba e pais aki y nos enfoke ta ariba e cosnan cu na su tempo lo wordo atendi debidamente.
“Nos mester corda cu tur ley cu ta skirbi ariba papel por wordo destrui. Pa logra esaki mester pone un partido na mando cu minimo shete asiento of mas, cu tin e curashi pa reforma e leynan existente pa medio di un referendum, cu lo limita e poder di un ministro y pone e poder bek den man di un parlamento husto y responsabel, no un parlamento cu ta jaknikker.”
Nos ta den tempo cu cada ciudadano di e pais aki mester scoge pa nan mes kico nan kier y kico nan kier logra como persona den nan mes un cas y con nan lo por contribui cu esaki. Nos di partido Curpa no ta kere cu e Arubiano ta bobo mas bien pa algun aña caba ta tuma nan haci y awor ta e tempo pa wak ken ta ken (…). No laga un partido politico of un iglesia of familiar bisa bo pa ken bo vota y tampoco laga manipula bo cu un tarheta di partido den bo cartera of yamada di telefon ariba bo cumpleaños. Si nan mes no ta trece un regalo pa bo of yena bo frishider, tur esaki nan ta haci pa mara bo y haci bo esclavo di nan. Un modus operandi psicologico.
A bira tempo pa abo como pueblo pensa pa bo mes, bo famia y bo pais tuma curashi y para pa famia, husticia, y bienestar economico. E unico partido cu ta para tras di esaki y contra metemento di Hulanda cu nan agenda diabolico SDG 2030 ta y ta keda Partido Curpa. Cerca nos, e famia manera Dios a crea ta central. Sin un famia cu ta procrea no tin futuro pa un pais progresa.
