Por GC Tendencias | Santiago | 06/02/2014 | Actualizada ás 17:34
Este novo espectáculo «Galizien Amerika linie», conta con corenta artistas en escena para a elaboración da espectacular gala que produce. Este espectáculo de Xacarandaina pretende achegar ao público ese fenómeno importantísimo da nosa historia contemporánea máis recente: a emigración.
Así os promotores do evento explican que "de todos é sabido que os galegos fomos un pobo emigrante, pero aínda que nos toca a todos de preto, non somos o suficientemente conscientes do drama que supuxo aquel éxodo, e menos conscientes somos aínda da importancia económica e cultural que eses emigrantes tiveron para coa súa terra e o amor que lle dispensan, a cambio de nada, desde a distancia".
Con tal propósito Xacarandaina acaba de producir un espectáculo no que se mestura a propia actuación do Grupo cos seus bailes, danzas, músicas e audiovisual, mesturando así a arte tradicional coas novas tecnoloxías, facendo de «Galicien Amerika linie» algo novidoso e único dentro do abano dos espectáculos producidos en Galicia.
O evento terá lugar o domingo 16 de febreiro, ás 20.00 horas no Auditorio de Galicia en Santiago de Compostela. As entradas teñen un prezo de 10.00 €
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.